مـنـتـديـات إسـتـضـافـة أحـبـاب الـمـغـرب.كـووم
اسم العضوكلمة المرور
التسجيل
   
 


-> طلبات تصميم الصور و الواجهات

2012/5/5 16:3 طريقه عمل الصوره والكتابه تلمع بالكليتر


رمز الوفاء
المشاركات: 645
المواقع:
الخطوة الأولى:

نفتح برنامج الفوتوشوب ونجري الخطوات التاليه:

File>>>open

ونختار الصوره اللي نريدهه واني اختاريت هاي الصوره مال انيمي





بس الصوره ماريدهه كلهه يعني أريد منهه بس البنيه وحده على خلفيه شفافة
شلون تصير؟؟


الطريقه هي نروح على أداة التحديد اللي باينه بالصوره ((واللي ماعنده يستعمل غيرهه مومشكله))

نضغط كلك يمين عليهه يطلعنه اختيارين نختار الاختيار الاول ومن بعدهه نختار الاداة الثانيه





(( شريط الأدوات يبين اداة التحديد ))









(( اختيار نوع اداة التحديد ))




نحدد الاجزاء اللي نريدهه وراح الصوره تكون بهذا الشكل :





(( تحديد الاجزاء المطلوبه))



وره مخلصنه تحديد الاجزاء المطلوبه
نعكس التحديد وهذا يصير من نضغط بلوحه الكي بورد على

Ctrl+shift+I


وهذا راح يكون شكل الصوره بعد عكس التحديد :






(( الصوره بعد عكس التحديد ))



من بعدهه نضغط .....

Delete

تختفي الخلفية وتبقه بس البنيه مثل ماتشوفون بالصوره :






((الصوره جاهزه للعمل ))



هسه نروح على بوكس الليرات اللي موجود أسفل يمين الشاشه
وإذا هذا اللير موجود بي قفل نحاول فك القفل بالضغط على اللير مرتين


وهسه نسوي هاي الخطوات
Image >>> canvas size…





أو للاختصار نضغط من لوحه المفاتيح على

Alt +ctrl +c






راح تظهر لنه نافذه تطلب قياسات للصوره راح ندخل القياسات اللي نريدهه واللي تناسب الصوره

وهذا شي اختياري كلمن حسب رغبته وحسب كبر الصوره عنده





واكو جوه القياسات مربع بي عده أسهم هذا شنو وظيفته؟
هذا يحدد وين مكان الصوره من الخلفيه يعني تكون على اليمين أو اليسار آو الاعلى أو الأسفل
واحنه اللي نحدد هذا الشي
إذا ردنه الصوره تصير يمين الخلفيه والكتابه على اليسار نظغط السهم الايمن
راح الصوره تزيح لليمين ويصير مكان فارغ حتى نكتب بي لليسار

وإذا ردت الصوره تكون بالأعلى والكتابه بالأسفل اضغط على السهم الاعلى وهكذا

آني اختاريت الصوره تكون باليمين




وبهذا تكون الصوره اللي عدنه جاهزه تماما للعمل عليها


وننتقل الخطوه الثانيه بإذن الله

2012/5/5 16:4


رمز الوفاء
المشاركات: 645
المواقع:
((الخطوه الثانيه))


نختار أداة الكتابه من شريط الأدوات واللي يكون رمزهه T

نضغط باليمين عليها ونختار الاختيار الثاني الكتابه بصوره عموديه
وهذا شي اختياري يعني اللي يحب الكتابه تكون أفقيه بكيفه
بس آني بهذا التصميم حبيت تكون عموديه



(( اختيار اداة التحديد العموديه ))



ونروح على الفراغ الموجود ونكتب بي الجملة اللي نريده


(( كتابه الاسم بصوره عموديه))


بس آني اشوف الصوره طلعت شويه كبيره وبيهه مساحات فارغه
راح اسويلهه قص بالضغط على أداة القص من شريط الادواة
وراح احدد المنطقه اللي اريده واضغط كلك ايمن واختار


Crop


((قص الجزء المطلوب من الصوره))

وهسه صارت الصوره مثل ماريد وحسب احتياجي

خلي نروح للخطوه الثالثه


2012/5/5 16:4


رمز الوفاء
المشاركات: 645
المواقع:
الخطوه الثالثه:


بهذي الخطوه راح نخلي تركيزنه على الصوره وننسه شويه النص الموجود

نختار الاداة السحريه من شريط الادواة مع مراعاة تغييرهه مثل مامبين بالصوره



((اختيار اداة التحديد السحريه))


هذي الاداة تقوم بتحديد الاشياء حسب لونهه يعني تحدد الاشياء ذات لون واحد
لهذا هي تفيدنه بهذي الخطوه

من بعد مختارينه الاداة نروح على الصوره ونحدد الاجزاء اللي نريد نلونهه باللمعه
أو الجليتر

من نحدد كل الأماكن المطلوبه نروح على القائمه اللي بالاعلى
ونسوي هاي الخطوات

Edit >>> fill
أو للاختصار نضغط من لوحه المفاتيح على

Shift >>>f5


((اختيار الامر fill))

وراح تطلع نافذه مثل مامبين بالصوره ومنهه نختار الباترن المطلوب أو الكليتر



(( نافذه ال fill))


وبعدهه راح نسنتنخ اللير الاول واني بموضوع الاول كلت شلون نستنسخ

بس هسه اكول عالسريع نروح نسحب اللير إلى الايقونه الظاهره بالصوره




((استنساخ اللير))


صار عدنه لير ثاني نجري علي نفس الخطوات السابقه مع مراعاة اختيار غير كليتر
مثل ماوضحت سابقا

ونرجع هذا اللير همين نستنسخه بنفس الطريقه ونجري علي نفس الخطوات ونختار الكليتر الثالث

ومثل ماتشوفون بالصورة صار عدنه أربع ليرات....
..layers

ثلاث للصوره وواحد للنص وبهذا نكون خلصنه هاي الخطوه بنجاح



((بوكس الليرات))


وصارت عدنه الصوره كامله
بس بقه عدنه شي واحد موكامل وهو النص وهذا اللي راح نشتغل علي بالخطوه اللي بعدهه

راح ننتقل للخطوه الرابعه


2012/5/5 16:5


رمز الوفاء
المشاركات: 645
المواقع:
((الخطوه الرابعه))

ننتقل من الصوره إلى النص

نضغط على لير النص بالكلك الايمن للماوس ونختار


Blending option



((الاختيار المطلوب))

راح تطلع نافذه نختار منهه عدة أشياء وهذي كلهه موضحتها سابقا
اول اختيار هو الظل

وطبعا هاي الشياء كلها اختياريه يعني كلمن وذوقه

اختاريت الكليتر اللي اريده


((اختيار الكليتر لملئ الحروف))





((اختيار الكليتر لعمل الاطار<<<اختياري))




ونرجع نستنسخ لير النص ونجري علي نفس الاختيارات بس نغير بالكليتر
ونرجع نستنسخه مره ثالثه وهمين نفس الشي نسويله

وهسه صار عدنه ست ليرات 3 للصوره و3 للنص

((عدد الليرات الموجوده))



هسه نجي ندمج ليرات الصوره مع ليرات النص

يعني ندمج اول لير صوره مع اول لير نص
نشيل علامه العين من كل الليرات ونخليها بس على اول لير صوره وذلك بالضغط على علامه العين مره واحده

ونضغط على اللير بالماوس راح يصير لونه ازرق
نروح على اول لير للنص ونضغط على علامه العين حتى تظهر ونضغط من لوحه الكي بورد على


Ctrl+ e



((دمج اللير الاول للصوره مع اللير الاول للكتابه))

بهاي الخطوه راح نشوف الليرين ندمجوا

ونشيل العين من اللير الاول نحطه على اللير الثاني ونسوي نفس الشي لباقي الليرات
مثل ماموضح بالصوره


((دمج اللير الثاني مع اللير الثاني))


((دمج اللير الثالث مع اللير الثالث))


2012/5/5 16:5


رمز الوفاء
المشاركات: 645
المواقع:
((الخطوه الخامسه والاخيره))


تروحون للايماج ردي اللي موجود اسفل شريط الادوات
بس آني ماكدر اشوفلكم البرنامج لان اني عندي الاصدار العاشر مو السابع
وهذا الاصدار شريط الحركه منه وبي وميحتاج نروح للايماج ردي

وشريط الحركه هذا اللي باين بالصوره راح نروح على السهم الصغير الموجود بأعلى يمين الشريط



((شريط الحركه))

تطلع لسته نختار منها.....

Make frames from layers



ونضغط على علامه التشغيل ومباشرة راح تلاحظون الصوره تتحرك
مبقه إلا تحفظون العمل
اذا عدكم الاصدار السابع للفوتوشوب تحفضوه بالشكل التالي:



Save as optimized



انتهى الدرس بعون الله وأي سؤال اني حاضره


وهذه نماذج سويتهه بنفس الطريقه













2012/5/5 16:29


رمز الوفاء
المشاركات: 645
المواقع:
وهذه طريقه تركيب الباترن
1 - بعد تحميل الباترن ... ضع ملف الباترن و يكون امتداد الملف .pat فى هذا المسار
C:\Program Files\Adobe\Photoshop\Presets\

2- افتح برنامج الفوتوشوب و اختار اداة التلوين Paint Bucket Tool



ثم اذهب و غير كما بالصورة .. اختار بدل Forground و اجعلها Pattern



ثم ... انظر الصورة و الارقام
رقم 1 هى لعرض الباترن الموجودة من قبل و من الممكن اختيارها و العمل عليها
رقم 2 هى القائمة الكاملة لخصائص الباترن و منها امر اضافة باترن جديد
رقم 3 هى الامر أضافة باترن جديد Load Patterns




بعد الضغط على تحميل باترن او Load Patterns تظهر نافذة نختار منها الباترن المراد اضافته و الذى سبق ووضعنها فى الخطوة رقم 1 فى المسار

C:\Program Files\Adobe\Photoshop\Presets\

منقول لعينكم







   
 
الإدارة
استضافة المغرب.كووم © ربيع الأول 1431 ©